Keçid linkləri

Redaktor mənə rəsmi tapşırıq verdi: rereferendumu işıqlandırım.

Səliqəli işçi kimi, yazıya REFERENDUM sözünün mənasından başladım.

Baxdım ki, hamının referendum dediyi bu kəlmənin latıncası plebistisid (pestisidlə səhv salmamalı) deməkdir. Maraqlı gəldi. Yazdım:

“Martın 18-də Azərbaycanda Plebistisid keçirildi. Plebistisid qədim Romada tətbiq olunan “Plebian Council” – Rəiyyət Şurası təcrübəsindən yaranan bir ənənədir. Plebeylerin fikrinin öyrənilməsi deməkdir”.

Redaktor ağzını büzdü:

- Heç bilirsən plebey nədir?

Mən də əlimdəki qaralama kağızımı büzüb cavab verdim:

- Zəhmətkeş deməkdir.

İkinci cəhdimin nəticəsi belə alındı:

“Martın 18-də, bu gün, burada sizin səyləriniz nəticəsində DƏYİŞİKLİK gəlib Azərbaycana!”

Redaktor üzünü turşutdu:

- Bu ki, Barak Obamanın çıxışıdır...

Mən də limon atıb çayımı turşutdum:

- Yazmaq olar ki, dəyişiklik gəldi obama.

Redaktor üçdən deyən ataların sözündən çıxmayıb mənə sonuncu şans verdi. Mən də lazımı nəticə çıxarıb belə yazdım:

“Martın 18-də bir kərpic okeanda üzür və görür ki, divardan bir təqvim asılıb. Soruşur:

- Saat necədir?

Təqvim cavab verir:

- Çərşənbə.

Kərpic sevinir:

- Urra, yay gəldi”

Redaktor rentgen baxışlarını mənə dikdi. Mənsə onun televizorundakı Animals Planet`ə baxdım.

Ekrandan mənə zillənən heyvanın gözlərinə dik baxa bilmədim. Başımı aşağı saldım.

Məqalədəki fikirlər müəllifin şəxsi mülahizələridir.

Şərhləri göstər

XS
SM
MD
LG