Keçid linkləri

Tələbə Qəbulu Komissiyası Təhsil Nazirliyinin elektron bazasını bəyənməyib


TQDK-nın sədri Məleykə Abbaszadə

TQDK-nın sədri Məleykə Abbaszadə

Tələbə Qəbulu üzrə Dövlət Komissiyası (TQDK) Təhsil Nazirliyinin mərkəzləşmiş buraxılış imtahanlarının keçirilməsi üçün təqdim etdiyi maddi- texniki bazanı qəbul eləməyib.

APA-nın məlumatına görə, TQDK sədri Məleykə Abbaszadə mətbuat konfransında bildirib ki, həmin baza imtahanların yaxşı keçirilməsinə təsir etmə qabiliyyətinə malik olmadığından qəbul edilməyib.

TQDK sədri deyib ki, məzunların elektron məlumat bazası Komissiyaya mayın 4-də daxil olub:

“O bazada da müəyyən problemlər vardı.
Bu bazada olan şagirdlərin 93 faizi ilə bağlı məlumatlar dəqiq idi. Hazırda biz Rayon Təhsil Şöbələri ilə dəqiqləşmələri davam etdiririk. Bakı üzrə məlumat bazasında IX siniflər üzrə 98,8 faiz, XI siniflər üzrə isə 98,4 faiz məlumatlar öz əksini tapıb”.

TQDK sədri deyib ki, mayın 15-dən başlayaraq paytaxt məktəblərinin buraxılış imtahanları ilə bağlı buraxılış vərəqələri Bakı Şəhəri üzrə Təhsil İdarəsinə təqdim ediləcək.
XS
SM
MD
LG