Keçid linkləri

İqlim dəyişməsi animasiyada, meymunabənzər robotlar...


Almaniya mühəndislərinin düzəltdikləri robot

Almaniya mühəndislərinin düzəltdikləri robot

-


Dünya alimlərinin son bir neçə həftədə əldə etdikləri vacib elm və texnika yenilikləri Reuters agentliyinin təqdim etdiyi videolarda:


Kök hüceyrələrinin daha asan və sürətli yaradılması üsulu tapılıb
Yaponiya alimləri kök hüceyrələrinin daha sürətlə və sadə yolla yaradılması üsulunu tapdıqlarını bildirirlər. Onlar hesab edirlər ki, bu üsuldan dərinin, əzələnin, hətta insanın daxili orqanlarının yenilənməsinə imkan verəcək.

İqlim dəyişməsi animasiyada
ABŞ-ın Kosmik Agentliyi NASA qlobal istiləşmənin animasiyasını hazırlayıb. Animasiyada dünyada ilbəil havanın temperaturunun necə qalxdığı əks olunur. Alimlər bildirirlər ki, 2013-cü ildə son 130 ilin 7-ci dəfə ən yüksək temperatur qeydə alınıb və qlobal istiləşmə davam etməkdədir.


Buzun altında elmə məlum olmayan dəniz canlıları tapılıb
ABŞ alimləri Antarktikada buzun altında indiyə qədər elmə məlum olmayan dəniz canlıları tapdıqlarını deyirlər. Təsadüfən çevrilən buz layından sallanan bu balaca ağ varlıq1ları robot fotoaparat çəkib. Alimlər onların belə aşağı temperaturda necə yaşadıqlarını araşdırırlar.


Meymunabənzər robot hazırlanıb
Almaniya mühəndisləri meymuna bənzəyən robot hazırlayıblar. 4 ayağı üstündə gəzən, dik qalxa bilən robota Çarli adı verilib. Mühəndislər iddia edirlər ki, bu yeni texnologiya insanın hərəkətlərinə ən çox oxşayan formada hərəkət edə bilən yeni nəsil robotlar hazırlamqda kömək edəcək.
Öz-özünə idarə olunan uçan aparat yaradıldı
Hollandiya mühəndisləri dünyada ilk dəfə özü-özünü idarə edən uçan aparat hazırlayıblar. Aparat insanın komandası olmadan qarşısına çıxan maneələrdən yayınır. Bir balaca batareya ilə 9 dəqiqə uça bilən aparatda quraşdırılan iki kamera məsafəni təyin etməyə imkan verir.

Şərhləri göstər

XS
SM
MD
LG