Keçid linkləri

-
Rəsm çəkmək bir yaradıcılıq, qabiliyyət tələb edir. Ancaq bu işi asanlaşdırmaq üçün “NeoLucida” adlanan cihaz var.

Bu cihaz öz-özünə rəsim çəkmir. “NeoLucida” bir qolun ucuna taxılmış prizmadan təşkil olunub. Rəsmini çəkmək istədiyiniz nəsnəyi cihazın qarşısına, kağız və karandaşı da önünə qoymaq lazımdır.

Prizmadan baxdıqda qarşıdakı nəsnə kağızın üzərindəymiş kimi görünür. Beləcə cizgilərin üstündən gedər kimi asanca rəsm çəkmək mümkündür.

Cihazın yaradıcıları Pablo GarciaGolan Nevin, klassik “Camera Lucida” nümunələrini incələyib günümüzə uyğunlaşdırmağa qərar veriblər.

Kamera Lucida fotoaparatlar mövcud olmayan vaxtlarda bu işi əllə görməyə imkan verən alət idi. Cihazı yaradanlar əsas məqsədin sənət və texnologiyanı bir araya gətirərək müzakirə yaratmaq olduğunu deyirlər.

“NeoLucida” cihazı xüsusilə, rəsm öyrənələr üçün əl qabiliyyətlərini inkişaf etdirməyə kömək edir.

Cihazın qiyməti 47 dollardır.
XS
SM
MD
LG