Keçid linkləri

-

«Vacib bir iş gördüyün yerdə bir də görürsən internet kəsildi. Bu hal bir dəfə olar, iki dəfə olsa eybi yox. Tez-tez təkrarlanır. Hansısa texniki problemlərlə izah edirlər. Bir sözlə, internetin keyfiyyəti bizi heç qane etmir».

Qazağın mərkəzindən 200 kilometr aralıda yerləşən Qarapapaq kənd sakini Rafiq Muradov belə deyir. O kəndlərində nəhayət ki, keyfiyyətli internet olacağını səbirsizliklə gözləyir. Özəlliklə, Azərbaycanın öz peykinin olması, «hər evə internet» layihələri ümidini daha da artırıb. Amma deyir ki, gözləntilərinin əksinə hələki, internetin keyfiyyəti yaxşılaşmayıb:

«Əsas internetin sürəti çox aşağıdır, bir də arada 2-3 saat internet kəsilir. Bəzi kəndlərdə, hətta Qazağın özündə belə eleləri var ki, internet çəkdirə bilmir. Onlara deyiblər ki, yer yoxdur. Bir dəfə telefon xəttləri Bee line-ı dəstəkləmir deyə internetə ümumiyyətlə qoşula bilmir. Bununla bağlı müraciətlərimizə də deyilmişdi ki, Azərbaycanda genişzolaqlı internetin inkişafı proqramı hazırlanır. Bununla vəziyyət həll olunacaq».

NEFT FONDU YOX DEDİ...

Prezident 2013-cü ili informasiya kommunikasiya texnologiyaları ili etmişdi. Bununla bağlı Azərbaycanda 2013-2015-ci illərdə «hər evə internet» adlı layihənin başlanacağının anonsu verilmişdir. Bu layihəni Neft Fondu maliyyələşdirəcəkdi. Amma 2015-ci ilin əvvəlində Neft Fondunun təsdiqlənmiş büdcəsi ictimaiyyətə təqdim ediləndə məlum oldu ki, fond layihəyə vəsait ayırmayıb.

Osman Gündüz

Osman Gündüz

Azərbaycan İnternet Forumun prezidenti Osman Gündüz ​«hər evə bir optika»nı ölkənin ən strateji layihəsi kimi qiymətləndirir. Deyir ki, bu layihənin məqsədi təkcə vətəndaşa keyfiyyətli internətə çıxış imkanı yaratmaq deyil, həm də elektron hökumət layihəsinin inkişafını hədəfləyirdi. Azərbaycanda elektron bisnes, elektron təhsil, səhiyyə, bəzi əməliyyatların, eləcə də hesabatların edilməsi – bir sözlə hər bir vətədaşın həyatına təsir edəcək önəmli bir layihə idi:

Burada Rabitə və yüksək texnologiyalar nazirliyinin də bəzi nöqsanları var. Onlar bir az ləng tərpəndilər. Bu layihəni indi yox, 2-3 il əvvəl neftin qiyməti 120 dollar civarında olanda icrasına başlanılmalı idi...

«Düzünü deyim ki, hər kəs bu layihənin tez bir zamanda təsdiqlənib, işə başlayacağını gözləyirdi. Amma çox təəssüflər olsun ki, ilin əvvəlində biz bu layihənin maliyyələşməyəcəyi xəbərini aldıq. Neft Fondu bu layihəni maliyyə ayırmayıb. Bu da onunla əsaslandırılıb ki, layihə gəlir yönümlü deyil. Amma elə ötən il Neft Fondunun prezidentinin özü ötən il müzakirələrdə bu layihənin önəmindən danışırdı. Düşünürəm ki, kommersiya layihəsi olmaması əsası ilə vəsait ayrılmaması ciddi arqument deyil. Burada Rabitə və yüksək texnologiyalar nazirliyinin də bəzi nöqsanları var. Onlar bir az ləng tərpəndilər. Bu layihəni indi yox, 2-3 il əvvəl neftin qiyməti 120 dollar civarında olanda icrasına başlanılmalı idi».

Osman Gündüz yada salır ki, hazırda Azərbaycan interneti əsasən telefon xəttləri ilə bağlıdır. Köhnə xətlər üzərində qurulan internetdə ölkədə, özəlliklə, bölgələrə keyfiyyətə təsir edir.

LAYİHƏ İCRA EDİLƏCƏK! AMMA NECƏ?

Arxiv fotosu

Arxiv fotosu

«Hər evə bir optika» layihəsinə Neft Fondundan il ərzində 100 milyon manat ayrılması nəzərdə tutulurdu.

Rabitə və Yüksək Texnolgiyalar nazirinin müşaviri Müşfiq Əmirov deyir ki, Nazirlik layihənin icrasını dayandırmayıb. «Hər evə bir optika» layihəsi icra olunacaq:

«Nazirlik öz daxili hesabına və banklardan götürəcəyi güzəştli kreditlə layihəni icra edəcək. 2015-ci ildən layihənin icrasına başlanılıb. Texniki işlərin həllinə təxminən 20 milyon manat xərclənib. Ümid edirik ki, layihəni uğurla sona çatdıracayıq».

Bəs, Nazirlik banklardan götürdüyü krediti qaytara biləcəkmi? Müşfiq Əmirli deyir ki, gəlir gətirən layihə olduğundan kreditlərin qaytarılmasında problem olmayacaq.

Şərhləri göstər

XS
SM
MD
LG