Keçid linkləri

Təcili xəbərlər

Döyüntü...


Foto illüstrasiya
Foto illüstrasiya

-

Körpə ana bətnində olanda 9 ay Ananın ürək döyüntülərini dinləyərək böyüyür...

O yaşamı, həyatı döyüntüsüz təsəvvür etmir.

DÖYÜNTÜ KƏSİLDİ!

Zaman gəlir ki, körpə əsl həyata qədəm qoymalı olur.

Heyhat! Döyüntü həmin dəqiqədən kəsilir...

Körpə yeni həyata çırpıntısız qədəm qoyur.

Səsli-küylü, qarmaqarışıq yad bir aləmə daxil olur.

KÖRPƏ O ÜZDƏN DÜNYAYA GƏLİNCƏ AĞLAYIR

Balaca məxluq bu itki ilə razılaşmır.

O ağlayır, sızlayır, «yox» deyir.

Amma heç kəs onun bu hərəkətinin əsl səbəbini bilmir.

Onun qarnını ovurlar, boğazını yağlayırlar, dilini təmizləyirlər.

Heç nə kömək etmir...

ANA QUCAĞI - ÜRƏYƏ ƏN YAXIN MƏSAFƏ

Körpə ancaq Ana qucağında, Ana südündə sakitlik tapır, çünki... ürəyə daha yaxın olur.

Ana ürəyinin çırpıntısını dinləyərək yuxuya dalır, keçmişləri - 9 aylıq dönəmi xatırlayır...

Çünki bu mühit ona doğmadır, bu çırpıntı ona qanıyla birgə hopub.

Yaşadığı yeni həyatda isə ürək döyüntüsündən başqa hər şey var...

ANA-BALA SEVGİSİ - SEVGİLƏRİN ƏN ÜMDƏSİ

Odur ki, balanızı Ana sevgisindən məhrum etməyin.

Siz də Ananızın ürək döyüntüsünü zaman-zaman dinləməyi unutmayın, onu yadırğamayın, onu yadırğatmayın.

Ən ağır dəqiqəniz, ən xoşbəxt anınız belə döyüntüsüz ötüşməsin.

Bu döyüntünün ömrü sizin ömrünüzdən qısa olsa da, onu yaddaşınızda yaşadın.

O çırpıntıların səsini başqa balalara ötürün.

Zatən həyatın mənası- dadı bu döyüntülərin - çırpıntıların ötürülməsindədir.

Yolunuz açıq olsun!

8 mart 2016.

Ən son yazılan

XS
SM
MD
LG