Rusiyada anadan olan iki alim fizika üzrə Nobel mükafatını aldı.
52 yaşlı Andre Qeym və 36 yaşlı Konstantin Novoselov bu mükafata qrafen adlı materialı kəşf etdiklərinə görə layiq görülüblər.
Qrafen – bir atom qalınlığında ifrat nazik və ifrat möhkəm keçiricidir.
Elektronika sahəsində qrafenin böyük gələcəyinin olduğunu deyirlər.
Soçidə anadan olan Qeym hazırda Hollandiya vətəndaşıdır. O , Mançester universitetində professordur.
Nijni Taqildə doğulmuş Novoselov isə hazırda Rusiya-Britaniya vətəndaşıdır. O, Hollandiyada və Britaniyada Qeymin tələbəsi olub.
Novoselov hazırda Mançester Universitetində tədqiqatçıdır.
Qeym və Novoselovun bölüşdürdüyü Nobel mükafatı 1 milyon 500 min dollardır.