Keçid linkləri

Samsung şirkətinin yeni smartfonu Galaxy 4 –ün satış günü müəyyən olunub. Bu smartfon aprelin 26-da 155 ölkədə satışa çıxarılacaq. Mütəxəsislər qiymətinin 725 dollar olacağını ehtimal edir.

Nyu Yorkda martın 14-də konsertlə, teatrla müşayət olunan təqdimatdan sonra mütəxəsislər bu smartfon haqda çox yüksək fikirdədirlər.

Galaxy 4 Galaxy 3-ə bənzəyir, ancaq daha nazik və möhkəmdir: qalınlığı 7,9 mm, çəkisi 130 qramdır.

1920x1080-a 5 düyməlik ekranı var. Displeyi Super Amoled texnologiyası ilə hazırlanıb.

Əsas xüsusiyyəti - ekranla kontaktsız da idarə oluna bilməsidir. Ekran istifadəçinin gözlərinə və üzünə reaksiya verir. Video gedərkən məsələn, istifadəçi qırağa baxanda video dayanır.

Galaxy 4-ün bu xüsusiyyəti Daily Telegraph qəzetini valeh edib. Qəzet yazır ki, smartfonu baxışla idarə etmək olur.

Ekranın keyfiyyəti də qəzetin xoşuna gəlib.

Smartfonda əlcəklə də yazmaq olar.

Telefonun bir variantında prosessoru 4 nüvəli Snapdragon, digər variantında 8 nüvəli Exynosdur.

2 kamerası var. Daxili yaddaş 16, 32 və 64 gigabaytdır.

Telefonun temperatur və rütubət sensorları var. Telefonu məsafə pultu kimi istifadə etmək olar.

Sənin fikrin

Şərhləri göstər

Ən son yazılan

XS
SM
MD
LG