Keçid linkləri

Galaxy S7 təhlükəsizdirmi?

Samsung şirkətinin rəsmi açıqlamasına əsasən Galaxy S7 və Galaxy S7 Edge smartfonları təhlükəsizdir. İstifadəçilər bu cihazların yanmasından narahat olmamalıdırlar.

Şirkət bildirir ki, Galaxy S7-də heç bir qüsur yoxdur. Vurğulanır ki, smartfonun batareyasının hazırlanmasına xüsusi diqqət yetirilir.

PARTLAMA İDDİALARI

Bir müddət öncə Galaxy Note 7 cihazları partladığı üçün “Samsung” onun istehsalını dayandırdı. Bundan sonra istifadəçilər arasında S7-nin də alovlanma xəbərləri yayılmağa başladı.

Bu yaxınlarda S7 istifadəçilərindən biri smartfonun cibində alovlandığını, şirkəti məhkəməyə verəcəyini bildirmişdi. ABŞ-da məşhur mağazalardan birində çalışdığını iddia edən satıcı isə mağazaya smartfonun yanmasından şikayətlənən müştəri gəldiyini demişdi.

SAMSUNG: “SƏBƏB XARİCİ TƏSİRLƏR OLA BİLƏR”

“Samsung” diqqətə yetirir ki, smartfonun təhlükəsizliyinə düzgün istifadə olunduqda zəmanət verir. İstifadə qaydalarına əməl olunmazsa, cihazın batareyası partlaya bilər: “Bu cihazların batareyalarıda daxili problemlər yoxdur, baş verən qəzalar xarici səbəblərdən olub”.

Şirkət bildirir ki, alovlanan smartfonları incələmədən partlayışın səbəbini bilmək imkansızdır.

Sənin fikrin

Şərhləri göstər

Ən son yazılan

XS
SM
MD
LG