Keçid linkləri

A kişilər, bir kərə bizə olanlar olub artıq, daha doğrusu elədiyinizi eləyib, ölkəni çulçıxana çıxarıbsınız. Dahası da var hələ və nə olanlar bitib, nə də əməllərinizin və əllaməliklərinizin arxası kəsilib. Əslində, bu heç sizin işiniz də deyil, siz kimsiniz axı, ya insan, ya nazir, ya deputat, ya da məmur olaraq, cəmiyyət arasında hörmətiniz-izzətiniz nədir ki, bir qara quruşluq ehtiram sahibi olub, inam haqq edə bilməyibsiniz, yaşınızın, başınızın bu vaxtında.

Nə veribsiniz bu xalqa ki, onu ala bilmirsiniz, bu binəva millətin sosial həyatını “SOS”iallaşdırmaqdan savayı gördüyünüz işin adı nədir ki? İki gündən bir çıxıb, camaatın onsuz da təlx olan ovqatına soğan doğramaq şakərindən əl çəkin barı…

Zatən, qulun haqqı və ya haqq edəcəyi bir şeyi də olmaz ki, gedin ağa(ları)nızın göstərdiyi yerlərdə, məqamlarda oturun və qulluğunuza davam eləyin. Amma daha bu qədər də insanların əsəbləri ilə oynayıb, zəhlələrini tökmək də niyə ki? Nə veribsiniz bu xalqa ki, onu ala bilmirsiniz, bu binəva millətin sosial həyatını “SOS”iallaşdırmaqdan savayı gördüyünüz işin adı nədir ki? İki gündən bir çıxıb, camaatın onsuz da təlx olan ovqatına soğan doğramaq şakərindən əl çəkin barı…

Ay adam balaları, sizin də təmsilçisi olduğunuz iqtidar partiyasının rəsmisi parlamentdə bar-bar bağırır ki, ölkədə ən üstün səviyyədə maaşla təmin olunmuş deputatlar belə, əmək haqqı ilə dolana bilmirlər, siz nə danışırsınız ki, ay belə pensiya verilir, elə maaş verilir, daha nələr, nələr. Adamın bir utanan üzü, abırı-həyası olmazmı? Nədir ey sizin dərdiniz?

Əgər doğrudan da anlamırsınızsa ki, indi verilən pensiya və maaşlar, çağdaş zaman şərtlərində, bütöv bir xalqa qarşı çıxarılmış qanunsuz və məhkəməsiz ölüm hökmüdür, o zaman sizdən heç qul da olmazmış demək. Yox əgər bunu anlayırsınızsa, onda dediyim kimi, barı dilinizi qarnınıza qoyub, bu xalqla birlikdə aqibətinizi gözləyin, vəssalam. Hələ bu biri yanda milyonları aşqın insanlar var ki, hətta o ölüm hökmünə oxşayan maaşdan və pensiyadan da məhrumdurlar, Allahın ümidinə buraxılıblar yəni. İntihara gücü yetənlər üç bir- beş bir gedirlər, qalanlar da… belə getsə qalanlar olmayacaq zatən.

Onsuz da Allah möcüzə göstərməsə, göylərdən bir əlac enməsə, bu xalqla birlikdə sizlərin də qurtuluşu yoxdur. Son hamı üçün gələcək, ya da belə deyək ki, bu gedişat hamımızın, o cümlədən də sizlərin sonunu gətirəcək və bundan bircə an belə şübhəniz olmasın.

Onsuz da Allah möcüzə göstərməsə, göylərdən bir əlac enməsə, bu xalqla birlikdə sizlərin də qurtuluşu yoxdur. Son hamı üçün gələcək, ya da belə deyək ki, bu gedişat hamımızın, o cümlədən də sizlərin sonunu gətirəcək və bundan bircə an belə şübhəniz olmasın, xatircəm olun. Daha, həftə səkkiz-mən doqquz durub millətin, guya sarmaqla görəvli olduğunuz qan verən yaralarına duz basmaqla nə demək istəyirsiniz axı? Nədi sizin dərdi-səriniz, bu cür açıqlamalarla mütəmadi gündəmə gəlməyin adı, mənası və mahiyyəti nədir, hansı məntiqin gücüdür sizi buna vadar eləyən?…

Onsuz da biz bilirik ki, hələ qarnınız toxdu, çoluq-cocuğunuz, tayfanız-sülaləniz aclıq çəkmirlər, qulluq elədiyiniz sistem qul payınızı hələ əsirgəmir, olsun, amma hara qədər varar bütün bunlar, bilmək olmaz. Bununla belə, bir belə ağ eləməyin, barı, qulun da qul yeri var canım, nədi, niyə adamları qarğışa təhrik eləyirsiniz ki? Bu millətin dərdi özünə bəs edir, əslində öz bəlasıdı çəkdiyi, öz əli ilə öz başına gətirdiyinin cəzasını çəkir bu xalq. Cariyəlik haqqı ilə xanımlıq, lakeylik haqqı ilə bəylik eşqinə düşmək də hardan çıxdı? Gedin, ayıbınıza kor olub, aqibətinizi gözləməkdə olun, yeyə bildiyinizi yeyin, talaya bildiyinizi talayın, yığa bildiyinizi yığın və əslində sizin indiki qul haqqınızdan əlavə, həm də görəviniz budur – yemək, dağıtmaq, talamaq, oğurlamaq, rüşvət almaq, özündən aşağıdakıları əzib, özündən yuxarıdakıların əllərindən öpüb, ətəklərinə yalmanıb, çəkmələrini silmək. Aranızdan kimsə də öz əcəli ilə dünyasını dəyişərək, salamat qurtulub, sağ baş gora apara biləcəksə, bunu da Tanrının lütfünə bağlayarsınız. Dediyim kimi, amma taa ağ eləməyin, ayıb bilin, bir utanan üzünüz olsun, yetər bə…!!!

P.S. Bu arada, lütfən, özünüzü daşa-divara çırparaq, baş-güzünüzü yarıb eləməyin. Şərəfdən, ləyaqətdən, işgüzar nüfuzdan filandan da danışmağın, məhkəmələrə baş vurmağın da qəti yeri yoxdur. Ancaq, söhbətin nədən getdiyi daha aydın olsun deyə, bir nümunəni də sizə məxsusi olaraq xatırladıram. Sıradan bir məmurun hələ təkcə ölkənin içərisində bəlli olan varidatının siyahısını təqdim etməkdə yarar gördüm ki, bir az toxtaya və hələ də məhkəmə qarşısıında olmadığınıza görə göydəki Tarınıza, yerdəki “allahlar”ınıza şükür edəsiniz.

Vidadi Zeynalovun ölkədəki bilinən 67 əmlakı.

Ümumi dəyəri 44 milyonmanat!

  • Nərimanov rayonu, Məsud Əlizadə küçəsi, 138 və 140 saylı qeyri-yaşayış sahəsi (Zeynalova Natəvan Hüsü qızı) – dəyəri 14 milyon 445 min;
  • Nərimanov rayonu, Akademik M.Qaşqay küçəsi, 110 saylı ünvanda yerləşən mənzil (Zeynallı Pərviz Vidadi oğlu) – dəyəri 6 milyon 944 min;
  • Xətai rayonu, Telnov küçəsi, ev 24, mənzil 38 (Zeynallı Pərviz Vidadi oğlu) – dəyəri 125 min;
  • Nobel prosepekti, məhəllə 1212, ev 15, mənzil 260 (Seyidova (Zeynalova) Əminə Zeynalqızı) – dəyəri 500 min;
  • Yasaal rayonu, 533 məhəllə, Qutqaşınlı küçəsi, blok 2, 3-cü mərtəbə, mənzil-33 (Kərmov Fuad Hüsü oğlu) – dəyəri 148 min
  • Yasamal rayonu, 533 məhəllə, Qtqaşınlı küçəsi, blok 2, 3-cü mərtəbə, mənzil-34 (Kərimov Fuad Hüsü oğlu) – dəyəri 128 min;
  • Yasamal rayonu, 533 məhəllə, İsmayıl bəy Qutqaşınlı küçəsi, ev 85, mənzil 44 (Nuriyev Bəxtiyar Çingiz oğlu) – dəyəri 157 min;
  • Yasamal rayonu, 533 məhəllə, İsmayıl bəy Qutqaşınlı küçəsi, ev 85, mənzil 45 (Nuriyev Bəxtiyar Çingiz oğlu) – dəyəri 138 min;
  • Yasamal rayonu, 533 məhəllə, İsmayıl bəy Qutqaşınlı küçəsi, ev 85, mənzil 46 (Nuriyev Bəxtiyar Çingiz oğlu) – dəyəri 120 min;
  • Yasamal rayonu, M.Fətəli küçəsi, 107 saylı ünvanda yerləşən ümumi sahəsi 40.5 kv m olan mənzil (Cəfərova (Zeynalova) Kəmalə Zeynal qızı) – dəyəri 60 min;
  • Binəqədi rayonu, Biləcəri qəsəbəsi, X.Malik-Aslanov küçəsi, 5C saylı ünvanda yerləşən qeyri-yaşayış binası (Zeynalova Lalə Vidadi qızı) – dəyəri 2 milyon 45 min;
  • Binəqədi rayonu, Əcəmi Naxçıvani küçəsi, ev 13C, mənzil 143 (Zeynalov Zeynal Vidadi oğlu) – dəyəri 110 min;
  • Qaradağ rayonu, Sənqəçal qəsəbəsi, Əsas küçə, ev 25 (Zeynallı Zeynal Vidadi oğlu) – dəyəri 620 min;
  • Qaradağ rayonu, Şanqar qəsəbəsi ünvanında yerləşən 15 ha torpaq sahəsi (Zeynallı Pərviz Vidadi oğlu) – dəyəri 135 min 400 manat;
  • Səngəçal qəsəbəsi, Əsas küçə, ev 29 ünvanında 0,0472 ha torpaq sahəsi və üzərində yerləşən fərdi yaşayış evi – dəyəri 1 milyon 500 min;
  • Səbail rayonu, M.Mənsur küçəsi, ev 39, mənzil 13, 14, 15 – dəyəri 300 min;
  • İstiqlaliyyət küçəsi, ev, mənzil 28 (Zeynalova Şura Məhəmməd qızı) – dəyəri 92 min;
  • Səbail rayonu, Telman Bağırov küçəsi, ev 6, 4, 10, 2/6 mənzillər (Zeynalova Lalə Vidadi qızı) – dəyəri 349 min;
  • Səbail rayonu, M.Mənsur küçəsi, M.Mənsur küçəsi, ev 59, mənzil 10 (Zeynalova Lalə Vidadi qızı) – dəyəri 51 min;
  • Xətai rayonu, Xocalı prospekti, ev 24, mənzil 40- (Zeynalova Natəvan Hüsü qızı) – dəyəri 82 min;
  • Nərimanov rayonu, Akademik M.Qaşqay küçəsi, 110 saylı ünvanda yerləşən mənzil (Zeynallı Pərviz Vidadi oğlu) – dəyəri 6 milyon 944 min;
  • Nərimanov rayonu, Akademik M.Qaşqay küçəsi, ev 11, 3a, mənzil 5,6, 6A, 7, 8 və ümumi sahələri 43,6 kv m, 61 kv m olan məzillər, (Zeynallı Pərviz Vidadi oğlu);
  • Nərimanov rayonu, C.Hacıbəyli küçəsi, ev 129b (Zeynallı Pərviz Vidadi oğlu) – dəyəri 1 milyon 900 min;
  • Nərimanov rayonu, H.Əliyev prospekti, ev 68, mənzil 33, (Seyidova (Zeynalova) Əminə Zeynal qızı) – dəyəri 215 min;
  • Nərimanov rayonu, F.X.Xoyski prospekti, 132 saylı ünvanda yerləşən qeyri-yaşayış binası (Seyidova (Zeynalova) Əminə Zeynal qızı) – dəyəri 310 min;
  • Nərimanov rayonu, A.M.Cümə küçəsi, ev 10, mənzil 10 (Cəfərovov (Zeynalova) Kəmalə Zeynal qızı) – dəyəri baxılmayıb;
  • Nəsimi rayonu, Abbas Səhət küçəsi, ev 5A (Zeynalov) Zeynal Vidadi oğlu) – dəyəri 1 milyon 100 min;
  • Nəsimi rayonu, Mir Cəlal küçəsi, ev 2A, mənzil 98 (Zeynallı Pərviz Vidadi oğlu) – dəyəri 52 min;
  • Nəsimi rayonu, Nəsib bəy Yusifbəyli küçəsi, ev 10B (Zeynallı Pərviz Vidadi oğlu) – dəyəri 1 milyon 100 min;
  • Nəsimi rayonu, Puşkin küçəsi, 16 saylı ünvanda yerləşən qeyri-yaşayış binası (Zeynallı Pərviz Vidadi oğlu) – dəyəri 550 min manat;
  • Nəsimi rayonu, 28 May küçəsi, 54 saylı evin 17, 17a, 19, 15 saylı mənzilləri və 14 saylı mənzilinin bir hissəsi (Seyidova (Zeynalova) Əminə Zeynal qızı) – dəyəri 250 min;
  • Nəsimi rayonu, Bakıxanov küçəsi, ev 31, mənzil 2 (Seyidova (Zeynalova) Əminə Zeynal qızı) – dəyəri 510 min;
  • Cavadxan küçəsi, 80 saylı fərdi yaşayış evi (Zeynalova Şura Məhəmməd qızı) – dəyəri 1 milyon 400 min;
  • Suraxanı rayonu, Hövsan qəsəbəsinin Şimal-qərbində yerləşən 0,02 ha torpaq sahəsi (Zeynalov Vahid Zeynal oğlu) – 3 min;
  • Xəzər rayonu, Mərdəkan qəsəbəsi, Cəfər Rəmzi küçəsi, ev 48a, 48b (Zeynalova Natəvan Hüsü qızı) – dəyəri 223 min;
  • Nərimanov rayonu, M.Araz küçəsi, ev 56a, mənzil 33-ün (Zeynalova Şura Məhəmməd qızı) – dəyəri 95 min
  • Nərimanov rayonu, M.Araz küçəsi, ev 56a saylı 6 sot torpaq sahəsinin (Zeynalova Şura Məhəmməd qızı) – dəyəri 1 milyon 344 min

RYTN-ə məxsus V.Zeynalovun özəlləşdirdiyi əmlaklar

  • Xəzər rayonu, Dübəndi bağ sahəsi, RYTN-in b/y-nin 4-cü Şimal küçəsi, 32F saylı bağ sahəsində 0,2782 ha torpaq sahəsi (Zeynallı Pərviz Vidadi oğlu – dəyəri 95 min;
  • Xəzər rayonu, Türkan qəsəbəsi, RYTN-in “Poçt Daşınma Mərkəzi” bağçılıq yoldaşlığının 16 saylı bağ sahəsi (Cəfərova (Zeynalova) Kəmalə Zeynal qızı) – dəyəri 19 min 700 manat;
  • Xəzər rayonu, Mərdəkan qəsəbəsi, Aslanov küçəsi, ev 8-in (Cəfərova (Zeynalova) Kəmalə Zeynal qızı) – dəyəri 180 min

Vidadi Zeynalovun həbs qoyulmuş rayonlardakı əmlakları

  • Qəbələ rayonu, Bum kəndində 0,90 ha kənd təsərrüfatı təyinatlı torpaq sahəsi (Zeynallı (Zeynalov) Zeynal Vidadi oğlu) – dəyəri 111 min 500 manat);
  • Qəbələ rayonu, Bum kəndində 1,16 ha kənd təsərrüfatı təyinatlı torpaq sahəsi (Zeynallı (Zeynalov) Zeynal Vidadi oğlu) – dəyəri 144 min;
  • Qəbələ rayonu, Bum kəndində 0,69 ha kənd təsərrüfatı təyinatlı torpaq sahəsi (Zeynallı (Zeynalov) Zeynal Vidadi oğlu) – dəyəri 54 min;
  • Qəbələ rayonu, Bum kəndində 0,53 ha kənd təsərrüfatı təyinatlı torpaq sahəsi (Zeynallı (Zeynalov) Zeynal Vidadi oğlu) – dəyəri 66 min manat;
  • Qəbələ rayonu, Bum kəndində 0,90 ha kənd təsərrüfatı təyinatlı torpaq sahəsi (Zeynallı (Zeynalov) Zeynal Vidadi oğlu – dəyəri 115 min;
  • Qəbələ rayonu, Qəmərvan kəndində 0,15 ha torpaq sahəsi üzərində yerləşən fərdi yaşayış evi (Zeynalov Pərviz Vidadi oğlu) – dəyəri 72 min manat;
  • Yevlax rayonu, Kövər kəndində yerləşən 0,33 ha torpaq sahəsi (Zeynalova Şura Məhəmməd qızı) – dəyəri 34 min 600 manat;
  • Yevlax rayonu, Kövər kəndində yerləşən (ailə üzvləri ilə birlikdə ümumi birgə mülkiyyət hüququ) 3,6494 ha torpaq sahəsi (Zeynalov Vahid Zeynal oğlu) – dəyəri 4 min 100 manat;
  • Yevlax rayonu, Kövər kəndində yerləşən 0,26 ha torpaq sahəsi (Məmmədova Adilə Zeynal qızı) – dəyəri 34 min 900 manat;
  • Yevlax rayonu, Kövər kəndində yerləşən 3,0741 ha torpaq sahəsi (Məmmədova Adilə Zeynal qızı) – dəyəri 3 min 500 manat;
  • İsmayıllı rayonuda 1,5632 ha kənd təsərrüfatı təyinatlı torpaq sahəsi (Zeynalov Zeynal Vidadi oğlu) – dəyəri 17 min 110 manat;
  • İsmayıllı rayonu, Tircan kəndində 0,83 ha kənd təsərrüfatı təyinatlı torpaq sahəsi (Zeynallı Pərviz Vidadi oğlu) – dəyəri 177 min 222 manat;
  • İsmayıllı rayonu, Tircan kəndində 0,29 ha kənd təsərrüfatı təyinatlı torpaq sahəsi (Zeynallı Pərviz Vidadi oğlu) – dəyəri 32 min 417 manat;
  • İsmayıllı rayonu, Tircan kəndində 0,52 ha kənd təsərrüfatı təyinatlı torpaq sahəsi (Zeynallı Pərviz Vidadi oğlu) – dəyəri 57 min 673 manat;
  • İsmayıllı rayonu, Tircan kəndində 0,17 ha kənd təsərrüfatı təyinatlı torpaq sahəsi (Zeynallı Pərviz Vidadi oğlu) – dəyəri 18 min 876 manat;
  • İsmayıllı rayonu, Tircan kəndində 0,86 ha kənd təsərrüfatı təyinatlı torpaq sahəsi (Zeynallı Pərviz Vidadi oğlu) – dəyəri 95 min 695 manat;
  • İsmayıllı rayonu, Tircan kəndində 0,18 ha kənd təsərrüfatı təyinatlı torpaq sahəsi (Zeynallı Pərviz Vidadi oğlu) – dəyəri 19 min 965 manat;
  • İsmayıllı rayonu, Tircan kəndində 2,01 ha kənd təsərrüfatı təyinatlı torpaq sahəsi (Zeynallı Pərviz Vidadi oğlu) – dəyəri 22 min 63 manat;
  • Lənkəran rayonu, Sağlaküçə kəndində 4,2282 ha kənd təsərrüfatı təyinatlı torpaq sahəsi (Zeynalov Zeynal Vidadi oğlu) – dəyəri 57 min 293 manat;
  • Lənkəran rayonu, Sağlaküçə kəndində 3,9185 ha kənd təsərrüfatı təyinatlı torpaq sahəsi (Zeynalov Zeynal Vidadi oğlu) – dəyəri 53 min 96 manat;
  • Lənkəran rayonu, Sağlaküçə kəndində 0,3222 ha kənd təsərrüfatı təyinatlı torpaq sahəsi (Zeynalov Zeynal Vidadi oğlu) – dəyəri 142 min 842 manat;
  • Lənkəran rayonu, Sağlaküçə kəndində 0,0662 ha kənd təsərrüfatı təyinatlı torpaq sahəsi (Zeynalov Zeynal Vidadi oğlu) – dəyəri 28 min 349 manat;
  • Lənkəran rayonu, Sağlaküçə kəndində 0,93 ha kənd təsərrüfatı təyinatlı torpaq sahəsi (Zeynalov Zeynal Vidadi oğlu – dəyəri 376 min 77 manat;
  • Lənkəran rayonu, Sağlaküçə kəndində 1,4247 ha kənd təsərrüfatı təyinatlı torpaq sahəsi (Zeynalov Zeynal Vidadi oğlu) – dəyəri 21 min 877 manat;
  • Sabirabad rayonu, Cavad kəndində 13,5 ha torpaq sahəsi (Zeynalov Zeynal Vidadi oğlu) – dəyəri 27 min manat;
  • Şamaxı rayonu, Məlhəm kəndində əmək kompleksi kimi müəssisə (Zeynalova Lalə Vidadi qızı) – dəyəri 1 milyon 927 min manat;
  • Şamaxı rayonu, Məlhəm kəndində yerləşən 0,12 ha torpaq sahəsi (Zeynalova Natəvan Hüsü qızı) – dəyəri 24 min.

Yazıdakı fikirlər müəllifin şəxsi mülahizələridir.

Sənin fikrin

Şərhləri göstər

XS
SM
MD
LG