Keçid linkləri

Rəşid Hacılı

bazar 17 Dekabr 2017

Azərbaycan hökumətinin Avropa Birliyi ilə müqaviləni bağlamaqdan qaçmasının 1 mühüm səbəbi var.

Yəni, milləti oyatmayın! Haqq-filan tələb etməsin! Nə seçki? Nə vətəndaş? Qoyun paramızı qazanaq.

Hakimiyyət Avropa Birliyinin insan haqları, demokratiya, azad seçkilərlə bağlı şərtlərinə yaxın durmaq istəmir.

Yəni, milləti oyatmayın! Haqq-filan tələb etməsin! Nə seçki? Nə vətəndaş? Qoyun paramızı qazanaq.

Vəssalam.

Ay Rusiyadan qorxur-filan. Bunlar oynamaq istəməyənin bəhanələridir.

Hakimiyyətin əl-ayağını yuyanlar da var ki, deyir guya biz bu müqaviləni bağlasaydıq iqtisadi zərər çəkəcəkdik. Guya ucuz Avropa Malları bazarımızı dolduracaqdı. Bizim mallar onlarla rəqabətə girə bilməyəcəkdi-filan.

Soruşmaq istəyirsən ki, ayə, hansı malları deersən?

Nə mal ürədirsən ki, Avropa ona rəqib olsun?

İqtisadçılar doğrusunu deyə bilərlər, təbii.

Azərbaycanda meyvə-tərəvəz ucuzdur avropadan. Yəni qapı açılsa avropa meyvə-tərəvəzi yox, Azərbaycanınkı girəcək bu bazara.

Gürcüstan belə sazişi bağladı. Oranın bazarında daha keyfiyyətli avropa malları çoxdur indi. Amma gürcülər də xeyli mal satırlar. Kənd təsərrüfatı. Hətta çaxır, xeyli. 1000 tonlarla üzüm aldılar gürcülərdən ötən il, bu il. Tanıdığım şəxslər bununla məşğul idilər.

Azərbaycanda meyvə-tərəvəz ucuzdur avropadan. Yəni qapı açılsa avropa meyvə-tərəvəzi yox, Azərbaycanınkı girəcək bu bazara. Hökumətimizin qabiliyyəti çatıb daha çox kvota alsa kənd təsərrüfatımız üçün yaxşı bazar olacaq.

Gürcüstanda bir fermer - balçı deyirdi ki, avropaya bal satacaqlar. İndi kvota azdır. Amma avropa Türkiyədən kəsib Gürcüstana verəcək. Onda daha çox satacaqlar. Üstəlik AB kənd tısərrüfatı üçün milyonlarla qrant və demək olar faizsiz kreditlər verir gürcü fermerlərinə.

Yalançı hökumətin yalançı mirzələrinə inanmayın.

Azərbaycan xalqı AB ilə sazişdən yayınmaqla yalnız uduzdu.

Hakim elitanın maraqları ilə xalqın maraqlarının bir-burinə zidd olduğu aydın nümunələrdən biri.

Yazıdakı fikirlər müəllifin şəxsi mülahizələridir.

Etiraz mitinqlərinin ara verdi.

Və hüquq xidmətiylə məşğul olan hüquqçuların hüququnu pozan qanun qəbul edildi.

Başqalarının hüquqları üçün çarpışmaq peşə borcu olan 100-lərlə yüksək təhsilli, qanunları, haqqı-ədaləti yaxşı bilən şəxsin.

Ötkəm.
Kobudcasına.
Saymazyana.
Pozdular.
Təəssüf ki.

Bu iki hadisə arasında bir bağlılıq varmı?

Yoxdur deyəcəksiniz. Ya da azdır deyəcəksiniz.

Var, amma. Az idi. Amma çox ola bilərdi. Özü də lap çox.

Bu qanunun qəbulu sıradan hadisə deyil.

Bu şəhər məhəllələrinin, şəxsi evlərin orada yaşayanların başına uçurulmasıyla eyni miqyasda bir hadisədir.

Bu 2003-cü ildə Azadlıq meydanında jurnalistlərin döyülüb ayaq altına atılması ilə eyni hadisədir. Dinc etirazçıların şil-küt edilməsi hadisəsinə yaxın hadisədir.

Bu qəzetlərin bir-bir bağlanması, jurnalistlərin sudurulması hadisəsidir.

Bu Monitorun, Realnıy Azerbaycanın, Azadlıq, BBC-nin, Azadlıq qəzetinin, Zerkalonun, ANS-in bağlanması hadisəsidir.

Bu Turana hücumdur.

AXCP-nin, Müsavatın qərargahlarından zorla çıxarılmasıdır.

İlqar Məmmədovun, Tofiq Yaqublunun həbsidir.

Kütləvi, Qanunsuz həbsə atılan etirazçılardır.

Əzizlərim.

Bu, "1000-lərlə insanın hüququnun açıq-aşkar pozulması bizim umurumuza deyil" düşüncəsidir. Yuxarıda sadalananlarınkı pozuldu, nə oldu ki? Bunlar onlardan artıqdırmı? - düşüncəsidir.

Bu düşüncəni biz verdik onlara.

2005-də Ənnağı Hacıbəyli, İntiqam Əliyev qanunsuz olaraq VK-dən kənarda saxlanarkən bir şey edə bilməyəndə. Xalid Bağırov, Əlayif Həsənov, Namizəd Səfərov, Qurban Məmmədov, Aslan İsmayılov VK-dən qanunsuz atılanda heç nə edə bilmədiyimizə görə.

Mən, sən, o. hamımız.

Bu ölkə milyardlarının növbəti talanmasıdır.

Qanunlara, dövlətə, onun ədalətinə, insanları düşünməsinə inam resurslarının tar-mar edilməsidir.

Növbəti...

Yazıdakı fikirlər müəllifin şəxsi mülahizələridir.

Davamı

XS
SM
MD
LG